Anulohet koncerti i Dua Lipës!

Për shkak të motit të lig është anuluar një koncert i këngëtares me famë botërore, Dua Lipa, për të shënuar përvjetorin e parë të muzeut Louvre Abu Dhabi.

Dua duhej të performonte në muze, por pas erërave të forta dhe shiut që përfshiu Abu Dhabin, koncerti nuk u zhvillua.

“Për shkak të motit aktual të keq në Abu Dhabi, ne kemi anuluar koncertin e Dua Lipës. Shëndeti dhe siguria e vizitorëve tanë është prioriteti ynë”, theksohet në njoftimin e muzeut në Twitter.

Aty thuhet se të gjithë ata që kanë blerë bileta nuk duhet t’i humbasin ato, ngase koncerti do të mbahet javët në vazhdim.