Apostolova sërish bën thirrje të mos jepen data për vizat

Pas takimit të mbyllur me anëtarët e Komisionit për Legjislacion, Veseli tha se lëvizja e lirë duhet të bëhet deri në fund të vitit.

Shefja e zyrës së BE-së në Kosovë, Natalyia Apostolova, dhe Kryeparlamentari, Kadri Veseli, kanë shprehur edhe një herë kundërshtitë në mes të institucioneve kosovare dhe atyre evropiane, sa i përket liberalizimit të vizave. Pas takimit të mbyllur me anëtarët e Komisionit për Legjislacion, Veseli tha se lëvizja e lirë duhet të bëhet deri në fund të vitit.

Ndërsa, Apostolova, përveçqë u rezervua nga dhënia e afateve, bëri thirrje që edhe të tjerët të mos marrin përsipër këso zotimesh. Apostolova, këtë takim e vlerësoi si mjaft konstruktiv, duke shtuar se ekspertët e BE-së do të japin këshilla për sfidat me të cilat përballet Komisioni.

---