Arabët i pëlqejnë cigaret zvicerane

80 për qind e cigareve që prodhohen në Zvicër eksportohen jashtë vendit.

Sipas një analize të “Berner Zeitung”, konsumatorët kryesorë janë vende kryesisht myslimane, nga Lindja e Mesme dhe Afrika e Veriut. Në këto vende cigaret zvicerane janë shitur në vlerë 220 milionë franga zvicerane vitin e kaluar.

Cigaret nga Zvicra janë më të popullarizuara në Marok, Bahrein dhe në Arabinë Saudite. Shembull në Bahrain: Që nga viti 1988 eksportet janë rritur 54 herë, për 51 milionë franga zvicerane.
Në Lindjen e Mesme cigaret janë më të lira. Një pako kushton 3.70 franga zvicerane në kryeqytetin Bahamian të Manama. Në Zvicër ështe 8.50 franga.

Sipas Organizatës Botërore të Shëndetësisë (OBSH), 143 nga çdo 1.000 të rinj mes moshës 13 dhe 15 tymosin rregullisht cigare. Në Zvicër, sipas “Berner Zeitung”, numri është vetëm 111, përcjell albinfo.ch.
Megjithatë, lufta kundër duhanpirësve ka filluar edhe në Bahrein. Që nga viti 2009 pirja e duhanit në hapësirën publike është e ndaluar.

Por, pse cigaret zvicerane pëlqehen në Lindjen e Mesme?

Arsyeja është te shija: Arabët tymosin duhan të fortë. Prodhuesit zviceranë përfitojnë duke prodhuar cigare me nikotinë të lartë, të cilat janë të ndaluara në Zvicër dhe Evropë.