Arrestohen 11 persona për me trafikim dhe abuzim me fëmijë

Policia e Kosovës ka bërë të ditur se në një operacion policor ka arrestuar 11 persona të dyshuar për vepra të ndryshme penale që ndërlidhen me trafikim dhe abuzim me fëmijë, përcjell albinfo.ch.

Në kuadër të këtij operacioni është bërë identifikimi i 21 fëmijëve lëmoshëkërkues, prej tyre 13 shtetas kosovarë dhe tetë shtetas shqiptarë, identifikimi i 19 lëmoshëkërkuesve të rritur, prej tyre nëntë shtetas kosovarë dhe 10 shtetas shqiptarë.

Prej 21 fëmijëve lëmoshëkërkues, 18 kanë qenë të shoqëruar nga familjarët e tyre dhe të pajisur me dokumente që kanë vërtetuar lidhjen familjare, ndërsa tre kanë qenë të shoqëruar me persona tjerë e që janë identifikuar si viktima të trafikimit, ku edhe janë inicuar procedimet penale.

Në prani të punëtorit social, të gjithë fëmijëve lëmoshëkërkues u është plotësuar formulari për shënimet e lëmoshëkërkuesve dhe janë marrë në pyetje familjarët e tyre, me qëllim të identifikimit të viktimave potenciale të trafikimit me njerëz dhe janë trajtuar sipas procedurave të parapara.

Gjatë marrjes në pyetje janë identifikuar tre viktima të trafikimit, dy nga Shqipëria dhe një nga Kosova.