Arrestohen dy serbë në veri, në veturë mbanin armë, flamuj serbë e emblema nacionaliste

Raportohet se dy persona të nacionalitetit serb janë arrestuar në veri të vendit, pasi mbrëmë gjatë kontrollit në veturën me të cilin qarkullonin të dyshuarit janë gjetur dhe konfiskuar disa pajisje të kundërligjshme, përcjell albinfo.ch.

Vetura e ndaluar nga policia ishte me targa të Sllovenisë.

Policia e Kosovës njofton se dëshmitë e konfiskuara në cilësi të provave materiale, të cilat dyshohet se mund të përdoreshin për veprime të dhunshme janë:

 

-një shufër metalike (policore),

-një maskë kamuflazhi,

-disa thika,

-disa emblema me simbole nacionaliste (4 S) dhe flamur serb (4 S),

-disa lloje të dyshuara të substancave narkotike,

-telefona celularë,

-sprej të ndryshëm,

-sfera metalike,

-lidhëse plastike,

-një automjet,

-një kartelë e veteranëve të luftës së Serbisë, dhe

-një kartelë të akademisë për siguri e Serbisë.

-një çekan etj.

 

Pas intervistimit, ndaj dy personave të dyshuar, me vendim të prokurorit kompetent, është caktuar masa e ndalimit prej 48 orëve.

 

---