Arrestohen katër persona për vjedhje në Klinë

Policia e Kosovës në Klinë njofton se në një operacion të saj ka arritur të arrestojë katër persona të dyshuar për vjedhje.

“Të arrestuarit gjatë intervistimit kanë pranuar se në bashkëveprim kanë kryer këto vjedhje. Në lidhje me rastet është njoftuar prokurori i shtetit dhe të gjitha veprimet policore në terren janë ndërmarrë në koordinim me të njëjtin.  Nga të dyshuarit janë konfiskuar pesë (5) televizorë të llojeve të ndryshme, një (1) pompë uji, një (1) motosharrë dhe dy (2) fshesa elektrike”, thuhet në njoftimin e policisë, përcjell albinfo.ch.

Sipas policisë, vjedhjet kanë ndodhur në shtëpi, banesa e dyqane afariste të qytetarëve të Klinës me rrethinë. Policia e Kosovës po ashtu falënderon qytetarët e kësaj zone, të cilët kanë bashkëpunuar dhe kanë ndihmuar policinë në këtë operacion.