Policia e Luksemburgut ka arrestuar një shqiptar të dyshuar për vrasje të dyfishtë. Vrasja daton që nga 3 qershori. Atë ditë britanikët Suffolk Sylvia dhe Peter Stuart ishin raportuar si të zhdukur. Trupi i pajetë i Peter Stuart është gjetur pak kohë më vonë. Sipas policisë, 75 vjeçari ka vdekur nga lëndimet e marra, ndërsa për Suffolk Sylvia ende nuk është gjetur asnjë gjurmë, shkruan tageblatt.lu, përcjell “albinfo.ch”.
I dyshuari kryesor për këtë rast është Ali Qazimaj, 42 vjeçar i cili po ashtu dyshohet se ka qëndruar me identitet të vjedhur. Ai mendohet të jetë nga Shqipëria, ndërsa sipas të dhënave të tij personale, është lajmëruar me identitet kosovar.
Ali Qazimaj është arrestuar në qytetin e Luksemburgut. Një punonjës i një hosteli në qytetin e Luksemburgut në vendin ku ishte strehuar Qazimaj, e ka njohur të kërkuarin për vrasje dhe ka njoftuar policinë.
Ai është arrestuar dhe po mbahet në paraburgim.
