Arrijnë në Kosovë dozat e para të vaksinave anti-COVID-19

Aeroplani bartës i kontingjentit të parë të vaksinave antiCOVID-19 nga COVAX, ka ateruar tashmë në Aeroportin Ndërkombëtar ”Adem Jashari” në Kosovë.

Kjo ardhje e vaksinave, po përcillet me një ceremoni të organizuar.

Në fjalën e tij, kryeministri Albin Kurti tha se arritja e këtyre vaksinave është shumë e rëndësishme.

“Është ky një kontigjent i vogël po që ngjall shpresë të madhe në vendin tonë për shpëtimin e jetërave të njerëzve sidomos për personelin shëndetësor”

“Gjatë vitit që lamë pas është humbur kohë e çmuar në qeverisje, kohë që na ka kushtuar shumë. Atë kohë se kthejmë dot prapa siç nuk mund të kthejmë prapa dhjetëra e qindra jetëra njerëzish.
Vaksinimi duhet të fillojë menjëherë dhe pa asnjë vonesë. Sot është tejkaluar numri prej 500 vdekjeve në vitin 2021.”

Ky kontingjent është në kuadër të 100.800 dozave të vaksinës së AstraZenecas që Kosova do të marrë falas nga programi COVAX, i Organizatës Botërore të Shëndetësisë.