Arrijnë në Shqipëri edhe 150 afganë të tjerë

Vjen një tjetër avion me afganë në Shqipëri

Mësohet se para pak orësh ka mbërritur në Shqipëri grupi i radhës me refugjatë nga Afganistani. 150 qytetarë afganë mbërritën në aeroportin e Rinasit herët mëngjesin e sotëm.

Thuhet se avioni i ardhur nga Abu Dabi është ulur në pistë rreth orës 05:00 të mëngjesit. 103 persona janë akomoduar në Qytetin Studenti dhe 47 të tjerë në struktura hoteliere në Durrës.

Në total janë 607 qytetarë afganë të ardhur në Shqipëri 4 ditët e fundit, pasi kanë lënë vendin e tyre, ndërkohë që talebanët rimorën pushtetin pas 20 vjetësh.

---