Aterrim emergjent i aeroplanit të linjës Porto-Gjenevë

Pilotët vunë re se në kabinën e aeroplanit kishte tym dhe vendosën të bën aterrim emergjent në Aeroportin Clermont-Ferrand në Francë

Aeroplani Airbus A320-200 i kompanisë Easyjet me 141 udhëtarë dhe 6 pjesëtarë të ekipit po fluturonte nga Porto (Portugali) drejt Gjenevës. Në një moment pilotët vunë re se në kabinën e aeroplanit kishte tym dhe vendosën të bën aterrim emergjent në Aeroportin Clermont-Ferrand në Francë, shkruan 20minuten.ch.

Rreth 30 minuta më vonë aeroplani kishte aterruar i sigurt në aeroportin ku prisnin në gjendje gatishmërie shërbimet e shpëtimit, transmeton albinfo.ch. Por, shpëtimtarët për fat nuk patën punë. Të gjithë pasagjerët zbritën nga eroplani në mënyrë normale, përmes shkallëve.

Për udhëtimin e mëtejmë drejt Gjenevës, ata u desh të transportoheshin me autobusë.