ATK-ja gjobit me 42 mijë euro disa subjekte të lojërave të fatit

Aksioni në fjalë është ndërmarrë pasi që Drejtoria e Lojërave të Fatit, si rezultat i vizitave të rregullta ka konstatuar se në disa komuna

Administrata Tatimore e Kosovës njofton se në një aksion që ka pasur në dy ditët e fundit në disa qytete të Kosovës i ka mbyllur 11 njësi të lojërave të fatit dhe janë shqiptuar 42,000 euro gjoba.

Aksioni në fjalë është ndërmarrë pasi që Drejtoria e Lojërave të Fatit, si rezultat i vizitave të rregullta ka konstatuar se në disa komuna, si ajo e Prizrenit, Suharekës, Fushë-Kosovës, Obiliqit, Drenasit dhe Skenderajt, disa subjekte të lojërave të fatit aktivitetin e tyre e kanë zhvilluar në kundërshtim me kriteret e përcaktuara nga Ligji për Lojërat e Fatit.

“Aksione të ngjashme si ky i fundit janë zhvilluar dhe do të vazhdojnë edhe gjatë ditëve në vijnë në gjithë territorin e Republikës së Kosovës dhe aty ku konstatohen parregullsi ligjore në zhvillimin e aktivitetit të lojërave të fatit, do ketë masa adekuate ligjore ndaj të gjitha subjekteve të lojërave të fatit”, theksohet në njoftim.