Austria largon bartjen e maskave FFP2, hapen lokalet e natës

Nga 1 korriku pothuajse do të kthehet jeta normale në Austri. Qeveria austriake ka njoftuar për lehtësime të reja. Vallëzimet në klube të natës do të bëhen të mundura përsëri. Bartja e maskës në shumë vende nuk do të jetë më e obligueshme

Austriakët më në fund mund të përjetojnë një verë të njëjtë si gjithmonë. Kufizimet e vendosura për shkak të koronavirusit sa vijnë e largohen. Në një konferencë për shtyp në Vjenë, kancelari Sebastian Kurz dhe ministrit të Shëndetësisë, Wolfgang Mückstein, njoftuan për heqjen e kufizimeve që do të bëhen pas datës 1 korrik, raportojnë mediat austriake, transmeton albinfo.at.

Detyrimi i bartjes së maskës FFP2

Me fillimin e verës, gastronomia dhe hoteleria do të jenë plotësisht pa maska. Bartja e maskës FFP2 nuk do të janë më tutje të obligueshme. Mbrojtja e gojës dhe hundës (maskë nga shtofi)  mund të përdoret nga 1 korriku në dyqane, në transport publik dhe muze. Nga 22 korriku, këtëo maska do të barten vetëm në dyqanet për nevoja të përditshme (supermarkete, farmaci, trafik…).

Bartja e maskës FFP2 mbetet në fuqi vetëm në shtëpitë e të moshuarve dhe spitalet!

Gastronomia e natës

Pas plot 472 ditësh, nga 1 korriku klubet e natës, diskotekat do të lejohen të rihapen sërish. Të pranishëm duhet të jenë 75 % e kapaciteteve të atyre lokaleve. Nga 22 korriku nuk do të këtë asnjë lloj kërkese.

Megjithatë në secilën hyrje do të kërkohen njëra nga 3G-të: të jeni i testuar, apo i shëruar, apo i vaksinuar.

Në organizimin e eventeve duhet të zbatohet njëra nga rregullat e 3G-së (i testuar, apo i shëruar, apo i vaksinuar). Bartja e maskave nuk do të jetë e obligueshme dhe numri i të pranishmëve (për shkak të koronavirusit) nuk do të jetë i kufizuar.  Në organizime  më shumë se 500 persona, kërkohet leje nga autoritetet austriake, përcjell albinfo.at.

Testi i obligueshëm

Fëmijët nga mosha 12-vjeçar të cilët nuk janë vaksinuar ose nuk janë të rikuperuar, duhet të testohen rregullisht.

---