Austria mposht Poloninë, rrit shpresat për kualifikim

ÖFB - oefb.at, X

Austria nuk ka humbur ende asnjë ndeshje në Kampionatin Evropian të 17-të të Futbollit, falë fitores 3:1 kundër Polonisë, skuadra kuq-bardh-kuq mund të vazhdojë të ëndërrojë për të arritur në fazën tjetër.

Austria në ndeshjen e parë ishte shfaqur pozitivisht, por megjithatë ishte mposhtur 1:0 nga Franca, falë një autogoli.

Të premten mbrëma në “Olympiastadion” në Berlin, austriakët luajtën tjetër ndeshje të madhe. Dhe këtë herë arkëtuan tri pikë shumë të rëndësishme. Ndërkohë Polonia mbetet pa pikë dhe në vendin e fundit në grup.

Në ndeshjen e parë, Polonia kishte humbur 2:1 nga Holanda.

Gernot Trauner shënoi për 1:0 në të mirë të Austrisë në takimin ndaj Polonisë. Mbrojtësi realizoi në minutën e nëntë. Krzysztof Piatek barazoi rezultatin në 1:1 në minutën e 30-të.

Por në pjesën e dytë Austria shënoi edhe dy gola.

Christoph Baumgartner shënoi për 2:1 në minutën e 66-të, ndërsa Marko Arnautoviq realizoi penallti për 3:1 në minutën e 78-të.

Te Polonia u kthye Robert Lewandowski, por që nuk kontribuoi shumë. Lewa, që ishte i lënduar në ndeshjen e parë, u paraqit prej minutës së 60-të.