Austria sjell makinën më të fuqishme elektrike në botë

E kanë quajtur “bisha” austriake

Kompania e makinave austriake “Deus” i ka sjellë botës makinën elektrike më të fuqishme të krijuar deri më sot, shkruajnë mediat austriake.

Me super makinën Vayanne, kjo markë ka vendosur që të tejkalojë kufirin e fuqisë së këtyre makinave, që ishte vendosur nga Lotus Evija, me 2000 kuaj fuqi, përcjell albinfo.at.

Për ta bërë këtë gjë, Deus ka bashkëpunuar për anën teknike me Williams Advanced Engineering, ndërsa për dizajnin i ka kërkuar ndihmë italianëve të ItalDesign.

Deus Vayanne, i planifikuar për t’u prodhuar në vetëm 99 makina, do të dalë në treg në vitin 2025. Ajo do të ketë 2200 kuaj fuqi, që do ta bëjnë këtë makinë që të kapë një shpejtësi maksimale prej 400 km/h, ndërkohë që për 2 sekonda të arrijë nga 0 në 100 km/h.

Salloni Ndërkombëtar i Automobilave në Nju-Jork (15-24 prill) do të jetë eventi i prezantimit të madh të Deus Vayanne, ose makinës elektrike më të fuqishme në botë.

---