Autostrada “Arbën Xhaferi” përfundon këtë vit

Kështu është premtuar të paktën nga punëkryesit, që besojnë se autostrada do të lëshohet brenda këtij viti

Kryeministri i Kosovës, Ramush Haradinaj, bashkë me ministrin e Infrastrukturës, Pal Lekaj, të enjten realizuan vizitë inspektuese punimeve në urën Kaçanik-Hani i Elezit, 5.7 kilometra e gjatë, pjesë e autostradës “Arbën Xhaferi”.

Gjatë kësaj vizite u informuan nga afër me dinamikën e punimeve nga Drejtori i Projektit, Riyadh Alkhazraji, i cili tha se punimet në këtë segment, i cili shënon edhe fundin e autostradës “Arbën Xhaferi”, janë duke u realizuar shtatë ditë në javë, me dy ndërrime, dhe se në këtë segment janë të angazhuara mbi 300 kompani vendore me afro 4000 punonjës, përcjell albinfo.ch.

Haradinaj dhe Lekaj kanë kërkuar nga kompania që të mbahet dinamika e punimeve, në mënyrë që kjo autostradë të jetë e gatshme për festat e fundvitit.

---