Banorët e Zvicrës ankohen, primet e sigurimit shëndetësor do të rriten në 2025

(KEYSTONE/Christian Beutler)

Është ende herët, por ekspertët tashmë po parashikojnë tarifa më të larta për sigurimin e detyrueshëm shëndetësor (KVG / LaMal) vitin e ardhshëm, përcjell albinfo.ch.

Kjo për shkak se kostoja e përgjithshme e kujdesit shëndetësor është tashmë 6.6 për qind më e lartë tani sesa ishte në të njëjtën kohë në 2023.

Kjo është rritja kombëtare deri tani; në disa kantone, shifrat janë edhe më të larta: 12 për qind në Jura dhe Neuchâtel, 10 për qind në Vaud, 9 për qind në Friburg dhe Gjenevë dhe 7 për qind në Valais.

Ndërkohë, në raundin tjetër të referendumeve kombëtare më 9 qershor, zviceranët do të votojnë për dy çështje që lidhen drejtpërdrejt me koston e sigurimeve shëndetësore: njëra që kërkon frenimin e primeve në 10 për qind të të ardhurave dhe tjetra që kërkon të bazojë primet mbi fitimet.

Banorët zvicerane janë të habitur dhe nuk janë aspak dakort me rritje të shpejta për kaq pak kohe.