BE dhe Zvicra mbrohen nga valët e refugjatëve afrikanë

Frika se, nga vala e refugjatëve që do t`ia mësyjë Evropës si pasojë e trazirave në Afrikën Veriore ka shtyrë BE-në dhe Zvicrën të shtojnë bashkëpunimin.

Kështu, Agjencia Evropiane për mbrojtjen e kufijve Frontex ka filluar sot (e dielë) aksionin e saj në kufirin e jashtëm të shteteve të BE-së dhe të Italisë.

Komisioni Evropian është shprehur se duhet ndihmuar Italia në përballjen e saj me valët e refugjatëve nga Afrika e Veriut. Aksioni i përbashkët mban shifrën „Hermes” dhe në të bën pjesë edhe Zvicra.

Në këtë aksion, Frontex koordinon ekspertët, aeroplanët dhe barkat patrolluese në vendin e ngjarjes. Edhe Zvicra, si vend që bën pjesë në zonën Schengen, ka vënë në dispozicion për aksionin „Hermes” tre ekspertë të saj.