BE-ja i kërkon Gjermanisë të heqë kufizimet kufitare

EPA/FILIP SINGER

Komisioni i BE-së i ka kërkuar Gjermanisë të heqë kufizimet e saj të shtrënguara kufitare për Tirolin, Republikën Çeke dhe Sllovakinë, duke theksuar se ato janë tepër “kufizuese”.

Disa rregullore janë joproporcionale ose të pajustifikuara, shkroi Komisioni i BE-së në një letër ankese Ambasadorit në BE të Gjermanisë, Michael Clauss, në Bruksel, përcjell albinfo.ch.

“Ne besojmë se objektivi i kuptueshëm i Gjermanisë – për të mbrojtur shëndetin publik në një pandemi – mund të arrihet me masa më pak kufizuese”.

Aktualisht, vetëm gjermanët dhe të huajt me leje qëndrimi në Gjermani lejohen të hyjnë nga Republika Çeke, Sllovakia dhe pjesë të mëdha të rajoneve të Tirolit të Austrisë. Ka përjashtime për shoferët e kamionëve dhe udhëtarët.

Komisioni i BE-së tani pret një përgjigje brenda 10 ditëve të punës.

Letra të ngjashme janë dërguar në Belgjikë, Hungari, Danimarkë, Suedi dhe Finlandë, pasi Brukseli gjithashtu nuk pajtohet me këto masa kufitare, përcjell tutje albinfo.ch.