BE: Kosova dhe Serbia duhet të normalizojnë marrëdhëniet

Situata vazhdon të mbetet e brishtë. Presim nga të gjitha palët që të përmbahen  e ta ruajnë qetësinë, ka thënë Massrali zëdhënëse e BE-së për politikë të jashtme

Zëdhënësja e BE-së për politikë të jashtme, Nabila Masrali, ka thënë se zhvillimet e fundit në Kosovë kanë treguar se sa e rëndësishme është të arrihet normalizimi i marrëdhënieve. Ne kemi mirëpritur shtendosjen dhe largimin e barrikadave.

BE-ja ka luajtur rol aktiv në arritjen e kësaj, në koordinim me Amerikën  dhe KFOR-in. Situata vazhdon të mbetet e brishtë. Presim nga të gjitha palët që të përmbahen  e ta ruajnë qetësinë, ka thënë Massrali. T’i evitojnë veprimet që kanë potencial për të kthyer përshkallëzimin apo dhunën.

EULEX-i vazhdon ta monitorojë situatën. Zhvillimet e javëve të fundit kanë treguar se sa e rëndësishme është të bëhet progres i vërtetë dhe i pakthyeshëm drejt normalizimit të marrëdhënieve”.

Zëdhënësja Massrali  ka thënë se duhet të zbatohen marrëveshjet e deritanishme dhe se duhet të fillohet me bisedimet për themelimin e Asociacionit. Kjo gjithashtu nënkupton zbatim të plotë të marrëveshjeve ekzistuese pa vonesë, duke filluar me kthimin e serbëve në institucione dhe fillimin e diskutimeve për Asociacionin e komunave me shumicë serbe”.

Zëdhënësja tha se BE-ja do të vazhdojë të punojë me palët në këtë drejtim dhe se për takimet e ardhshme Kosovë-Serbi “sigurisht do t’i njoftojmë kur duhet”.

 

---