BE: Rastet COVID-19 në Evropë, në nivelin e marsit

(AP Photo/Luca Bruno)

Infeksionet COVID-19 në Evropë janë përsëri në nivelet e atyre në mars, kur shpërthimi filloi fazën e saj kulmore, tha të mërkurën kreu i Agjencisë së shëndetit publik të Bashkimit Evropian, duke theksuar megjithatë që rihapjet e shkollave nuk paraqesin domosdoshmërisht rreziqe të reja.

“Virusi nuk ka fjetur gjatë verës. Nuk mori pushime”, tha Andrea Ammon, kryesuesja e Qendrës Evropiane për Parandalimin dhe Kontrollin e Sëmundjeve (ECDC) në një seancë të rregullt dëgjimore.

Ajo tha se të dhënat e kësaj jave treguan se në të gjithë Evropën kishte 46 raste për 100,000 njerëz.

“Ne jemi pothuajse përsëri në numrat që kemi parë në mars”, tha Ammon.

Infeksionet në mars në Evropë filluan të rriteshin në mënyrë të qëndrueshme në rreth 40 për 100,000 njerëz në fund të muajit, sipas të dhënave të ECDC, dhe u rritën në rreth 70 për 100,000 deri në fund të prillit.

Rritja aktuale e rasteve ishte pjesërisht për shkak të më shumë testimeve.

Rastet e reja kanë të bëjnë kryesisht me njerëz të rinj, tha ajo.

Sidoqoftë, Ammon tha se shtrimet në spital tani po rriteshin përsëri, shkruan “Reuters”, përcjell albinfo.ch,