Bebe Rexha flet shqip në emisionin “The Jonathan Ross Show”

Këngëtarja me origjinë shqiptare, Bebe Rexha, nuk e ka mohuar kurrë origjinën e saj.

Madje ajo flet me krenari për vendin nga vjen.

E ftuar në emisionin e famshëm amerikan “The Jonathan Ross Show”, Rexha pohoi se flet gjuhën shqipe dhe e viziton Shqipërinë së bashku me prindërit e saj, shkruan oranews, përcjell albinfo.ch.

Këngëtarja u shpreh se e mikson gjuhën shqipe me anglishten, duke dhënë edhe një shembull.

“Po, unë flas shqip-anglisht! Për shembull, nëse dua të pyes ku janë patatet e skuqura, pyes: Ku janë potato chips?”, tha ajo në shqip.

Rexha po arrin sukses të jashtëzakonshëm në tregun muzikor ndërkombëtar.

Së fundmi ajo publikoi këngën “Last Hurrah” që u prit shumë mirë nga publiku dhe po rezulton shumë e suksesshme.