Bernë: Grabitet transportuesi i blinduar i parave nga dy persona të armatosur

Shoferi i një automjeti të zi bllokoi shoferin e furgonit dhe e kërcënoi atë me armë zjarri. Personi tjetër hipi në makinë dhe i urdhëroi shoferit të ndiqte automjetin e zi

Dy sulmues të panjohur kanë grabitur një makinë të blinduar në Renan, Kantoni i Bernës, të enjten. Ata kanë kërcënuar shoferin me një armë dhe kanë ikur duke marrë plaçkën me vete, sipas policisë kantonale të Bernës të shtunën, transmeton albinfo.ch.

Shoferi mbeti i padëmtuar.

Incidenti ndodhi pak pas mesditës në rrugën kryesore pranë varrezave. Sipas raportit, shoferi i një automjeti të zi bllokoi shoferin e furgonit dhe e kërcënoi atë me një armë zjarri, shkruan sda.ch. Në të njëjtën kohë, një person tjetër hipi në makinën e blinduar dhe i urdhëroi shoferit të ndiqte automjetin e zi, u raportua më tej.

Të dy automjetet ndaluan në afërsi të pyllit. Sipas raportit, dy autorët, të veshur tërësisht me të zeza dhe me maska, e detyruan shoferin të dorëzonte sendet e tij me vlerë, përcjell albinfo.ch. Më pas ata ikën në drejtim të panjohur.

Një kërkim i menjëhershëm nuk pati sukses. Policia po kërkon dëshmitarë.

---