Besimi ka siguruar punën në Gjermani, tash 4 muaj pret një termin për vizë!

Emisioni «Frontal 21» i transmetuesit televiziv ZDF tregon në rastin e kosovarit Besim Hasani se sa e vështirë mund të jetë rruga deri në arritjen e një vize pune në Gjermani

Gjatë vitit të kaluar Gjermania ka riatdhesuar rreth 21.000 refugjatë, shumë nga të cilët janë nga shtetet e Ballkanit Perëndimor. Për arsye se ata nuk kanë pothuajse fare gjasa për të fituar azilin ose për të mbetur në Gjermani, janë gjithnjë më të shumtë shtetasit e Kosovës, Shqipërisë dhe të Serbisë vullnetarisht në vendet e tyre, shkruan zdf.de.

Këtë e bëjnë me shpresën se do të mund të kthehen më vonë në Gjermani, por legalisht dhe me vizë pune. Nje mundësi e tillë qëndron në rregulloren për punësim, të miratuar vitin e kaluar me rastin e ashpërsimit të ligjit mbi azilin, në nivel federal, tansmeton albinfo.ch. Por opozita drejton kritika. Sipas saj kjo ofertë e Qeverisë Federale është bërë «me gjysmë zemre» dhe pengesat për të fituar një vizë pune janë tepër të mëdha.

Emisioni «Frontal 21» i transmetuesit televiziv ZDF tregon në rastin e kosovarit Besim Hasani se sa e vështirë mund të jetë rruga deri në arritjen e një vize pune në Gjermani.

Besimi, si infermier i diplomuar ka «në xhep» një ofertë për punë ne një shërbim për kujdesin e pleqve dhe i plotëson të gjitha kushtet tjera për një vizë pune, përcjell albinfo.ch. Mirëpo përkundër kësaj ai po pret prej katër muajsh për një termin në Ambasadën Gjermane.