Bie nën 100 numri i infeksioneve në Zvicër: Vetëm 88 raste të reja

Rënia e numrit të infeskioneve megjithatë duhet marrë me kujdes, pasi që ditëve të fundjavës bëhen më pak testime dhe si, rrjedhojë, mund të ketë më pak rezultate pozitive

Për herë të parë që nga fillimi i masave mbrojtëse nga koronavirusi, numri i infeksioneve të reja në Zvicër ka rënë nën 100. Vetëm 88 raste të reja janë raportuar në 24 orët e fundit. Kësshtu, tani gjithsej janë 29.905 raste të konfirmuara nga laboratori në Zvicër dhe në Principatën e Lihtenshtajnit, shkruan sda.ch.

Rënia e numrit të infeskioneve megjithatë duhet marrë me kujdes, pasi që ditëve të fundjavës bëhen më pak testime dhe si, rrjedhojë, mund të ketë më pak rezultate pozitive, shkruan albinfo.ch

Zyra Federale e Shëndetit Publik (BAG), një ditë më parë kishte raportuar 112 raste të reja, ndërsa dy ditë më parë kanë qenë 119.

Numri i vdekjeve nga Covid-19 në të gjitha kantonet e vendit, i regjistruar  të dielën pasdite sipas agjencisë së lajmeve Keystone-SDA, ishte 1763, transmeton albinfo.ch. Ndërsa sipas worldometters.info, raportohen 1762 të vdekur dhe 24.200 të shëruar.

Nga ana tjetër BAG jep, si zakonisht një numër më të vogël të vdekjeve.  1473 veta sipas  BAG deri më tani kanë humbur jetën nga koronavirusi, transmeton albinfo.ch. Zyra Federale u referohet raporteve që laboratorët dhe mjekët kishin dërguar deri në mëngjesin e të dielës, si pjesë e detyrimit që kanë për të raportuar.

BAG shkruan se kishte 348 infeksione në 100,000 banorë.

Deri më tani, janë kryer gjithsej 280,220 testime. Sipas BAG, 13 për qind e këtyre kanë rezultuar pozitive, përcjell albinfo.ch. Një person mund të jetë testuar disa herë. BAG rekomandon teste për të gjithë pacientët me simptoma të Covid-19.

---