Bieli, qendra e të varfërve në Zvicër

Trendi negativ po vazhdon, 13 qytete zvicerane kanë paguar vitin e kaluar 1 për qind më shumë për përfituesit e ndihmave sociale në Zvicër.

Në shtatë qytete të Zvicrës raportohet për rritje të rasteve sociale.

Bieli dhe Lozana kryesojnë listën e qyteteve me më shumë përfitues të asistencës sociale.

Këto statistika janë publikuar të martën nga Iniciativa e Qyteteve për Politika Sociale.

Nga viti 2006, sipas enteve sociale vit pas viti kishte më pak njerëz të varur nga ndihmat sociale nëpër qytete.

Por, niveli i varshmërisë nga ndihmat sociale në vitin 2010 mbërriti në 10.9 për qind në Biel.

Në dy vjetët e fundit raportohet për rritje të rasteve që janë të varur nga asistenca sociale. 

Bëhet fjalë për njerëz të nivelit kryesisht të ulët arsimor dhe për bashkëshortët e divorcuar që mbajnë familje.  

Të kësaj kategorie të fundit janë 46 për qind në Biel, ndërsa në Lozanë është një e treta e tyre. 

Edhe të rinjtë gjithashtu janë në rrezik të varfërisë.  

Sipas statistikave të Iniciativës së Qyteteve për Politika Sociale, 26-35 për qind janë persona nën moshën 18 vjeç.