Lajme

Biden tregon pse po ndodhin tornadot

E diel, 12 Dhjetor 2021 - 16:15 albinfo.ch
(KEYSTONE/AP Photo/Matt Rourke)

Presidenti amerikan, Joe Biden, i përcaktoi tornadot që goditën gjashtë shtete si nga më të këqijat në histori dhe shtoi se ato janë pasojë e ndryshimeve klimatike që shkaktojnë një ndryshim të madh në kushtet e motit.

”Kjo për shkak të ngrohjes së sipërfaqes së Tokës”, deklaroi ai.

Biden gjithashtu miratoi shpalljen e emergjencës për Kentakin, shtetin më të prekur nga tornadot, që shkaktuan të paktën 79 të vdekur.

”Një tragjedi e paimagjinueshme”, deklaroi Biden për shkatërrimin nga tornadot, transmeton Ansa, përcjell Albinfo.ch.

Tornadot që kanë goditur SHBA-në kanë shkaktuar deri tani të paktën 100 viktima.

Përveç Kentakit, bëhet fjalë edhe për viktima të tjera në Tenesi, Arkansas dhe Misuri.

Stuhia që goditi një pjesë të Shteteve të Bashkuara të Amerikës prodhoi deri në 19 tornado.

 

 Të tjera nga Lajme

Ambasada e Shqipërisë shpërndan libra për nxënësit shqiptarë në Zvicër

 E-Diaspora

 Jeta në Gjermani