Bild: Xhaka mund të kthehet në Bundesligë

"Xhaka është i lodhur nga kritikat e ashpra që po i bëhen në Angli dhe tashmë ka vendosur të largohet nga Arsenali"

Gazeta e përditshme gjermane, Bild, ka raportuar se mesfushori i Arsenalit, Granit Xhaka, mund të kthehet së shpejti në Bundesligë, pasi që ai tashmë i ka lajmëruar bashkëlojtarët e tij se do të largohet nga Arsenali.

Duke qenë se karriera e Xhakës në Arsenal, që filloi në vitin 2016, raportohet se ka marrë fund, pas zënkës që ai e pati me tifozët e klubit, gjatë barazimit 2:2 të Arsenalit me Crystal Palace më 27 tetor.

Xhaka iu përgjigj fishkëllimave të tifozëve gjatë kohës sa po zëvendësohej në atë ndeshje, duke i sharë tifozët dhe duke e zhveshur me forcë fanellën e Arsenalit, si dhe duke ecur drejt e në zhveshtore.

Gazeta e madhe gjermane Bild shkruan se Xhaka është i lodhur nga kritikat e ashpra që po i bëhen në Angli dhe tashmë ka vendosur të largohet nga Arsenali, gjë të cilën thuhet se ia ka bërë të ditur edhe bashkëlojtarëve në Arsenal, përcjell albinfo.ch.

---