Bjeshkët e Nemuna, park kombëtar i përbashkët Shqipëri-Kosovë-Mal i Zi

Foto ilustrim

Me qëllim mbrojtjen e vlerave natyrore në zonën e Bjeshkëve të Nemuna, ministri i Turizmit i Shqipërisë, Blendi Klosi, tha se autoritetet e tri vendeve, Shqipërisë, Kosovës dhe Malit të zi, janë në bisedime për të ofruar paketa të përbashkëta për turistët.

Klosi ka shtuar se Valbona dhe Thethi e kanë bukurinë e vet, por duhet angazhim i të gjithë aktorëve, transmeton albinfo.ch.

“Ne kemi nisur diskutimet me qeverinë e Kosovës dhe atë të Malit të Zi për të pasur mundësi që ta kemi si park kombëtar të përbashkët. Mund të jetë fare mirë një gjenezë e një turizmi të vërtetë për zonën e Alpeve”, deklaroi ai. Ministri ka bërë thirrje për investime në agroturizëm.
Por problemi kryesor, për të cilat turistët ankohen është infrastruktura e rënduar që të çon drejt Thethit dhe Valbonës.