Blej një libër dhe ndihmo femrat e përdhunuara

Organizata “Jeta në Kastriot”, e cila përkujdeset për mbi 216 femra të përdhunuara dhe 47 jetimë të kësaj kategorie, ka ftuar qytetarët vullnetmirë që të ndihmojnë në sigurimin e pakove ushqimore dhe gjërave të tjera elementare për dhjetëra familje.

Si pasojë e mungesës së donacioneve, kjo organizatë thotë se ka mundësi që ndihmat të bëhen dy mënyra: e para duke blerë librin “Rrëfimet e femrave të dhunuara gjatë luftës në Kosovë”, në gjuhën shqipe, angleze, italiane ose gjermane, me çmim prej 10 eurosh për një libër dhe mjetet të shkojnë për të ndihmuar femrat e përdhunuara ose e dyta të blini pako ushqimore për t’i dhuruar për nevojtarët.

Në këtë organizatë shpresojnë që nga shitjet e librit të sigurojnë këto pako ushqimore si dhe veshmbathjeve për fëmijët e viktimave dhe fëmijëve skamnorë, raportojnë mediat kosovare.