Bono Vox në Elysee

Vokalisti dhe lideri i bendit U2, Bono Vox është takuar me presidentin francez Emmanuel Macron, në pallatin Elysee.

Themeluesi i organizatës joqeveritare One, ka diskutuar me presidentin francez rreth zhvillimit, ndihmës dhe bashkëpunimit mes Evropës dhe Afrikës, por edhe rreth barazisë gjinore.

Të gjitha këto tema do të prekën edhe gjatë samitit të radhës të G7-s që do të mbahet vitin e ardhshëm në Francë, përcjell albinfo.ch.

“Zakonisht në Elysee vijë si avokat i Afrikës por sot kam ardhur edhe si avokat i Evropës. Mendoj se edhe ata që nuk i kushtojnë shumë rëndësi kësaj çështjeje e kuptojnë që fati dhe e ardhmja e Evropës dhe Afrikës janë të lidhura ngushtë”, ka thënë ai.

Organizata e Bonos angazhohet në luftimin e varfërisë ekstreme dhe parandalimin e sëmundjeve, sidomos në Afrikë.