Bora mbulon disa pjesë të Zvicrës

Policia zvicerane ka apeluar për kujdes në vendet ku ka rënë borë

Fillimi i marsit ka sjellë edhe borën në Zvicër, shkruajnë mediat vendase, përcjell albinfo.ch.

Të shtunën në orët e para ka rënë borë në disa pjesë të Zvicrës, me sasi më të dendur në kantonin Valais, por edhe në disa pjesë në jug të vendit.

Sipas mediave zvicerane, bora do të vazhdojë të bie edhe gjatë ditës së sotme, por shkrirja e saj po ashtu do të ndodhë brenda ditës për shkak të temperaturave relativisht të buta.

Në ViaSuisse midis Amsteg dhe Göschenen kushtet e motit janë të vështira dhe rruga është e mbuluar me borë.

Ndërkohë, policia zvicerane ka apeluar për kujdes në vendet ku ka rënë borë, sidomos nga vozitësit.

---