Bullgarët dhe rumunët mund të punojnë dhe të lëvizin lirshëm në Zvicër

Keystone (AP Photo/Dariusz Gacek)

Duke nisur nga 1 qershor 2019, shtetasit e Bullgarisë dhe Rumanisë do të gëzojnë një liri të plotë të lëvizjes dhe punësimit në Zvicër.

Ata do të kenë të njëjtat të drejta si pjesa tjetër e shtetasve të BE-së (me përjashtim të Kroacisë) dhe do të jenë në gjendje të qëndrojnë lirshëm në Zvicër nëse kanë një punë, ka bërë të ditur Ministria e Jashtme Bullgare në një njoftim për shtyp, njofton agjencia e lajmeve bullgare “BETA”, përcjell albinfo.ch.

Kjo u bë e mundur pasi Këshilli Federal Zviceran miratoi një vendim më 15 maj për heqjen e kuotave të qëndrimit për shtetasit bullgarë dhe rumunë në territorin e Konfederatës.

Vendimi ndryshon Rregulloren e zbatimit për Marrëveshjen ndërmjet BE-së dhe Zvicrës për lëvizjen e lirë të personave.

Sipas autoriteteve të migrimit të Zvicrës, rreth 11,600 bullgarë kanë banuar në Zvicër deri në fund të vitit 2018.

NJOFTIMI