Cassis merr zyrtarisht “çelësat” e Ministrisë së Jashtme nga Burkhalter

Të mërkurën (nesër) Cassis do të marrë për herë të parë pjesë në mbledhjen e qeverisë së vendit

Keystone

Didier Burkhalter ia ka dorëzuar sot ministrit të ri, Ignazio Cassis me një ceremoni zyrtare “çelësin” e Ministrisë së Punëve të Jashtme. Në këtë mënyrë ai edhe simbolikisht ia ka kaluar atij funksionin e ministrit të jashtëm dhe të pjesëtarit të Këshillit federal, njoftojnë mediet zvicerane sot.

Të mërkurën (nesër) Cassis do të marrë për herë të parë pjesë në mbledhjen e qeverisë së vendit. Ende nuk dihet rendi i ditës i mbledhjes së parë në përbërje të re. Por ajo që dihet është se Këshilli Federal shumë shpejt do të merret me dosjen e blerjes së aeroplanëve ushtarakë dhe me rishikimin e ligjit për CO2.

Cassis si ministër i jashtëm pritet që në fokus të ketë orientimin e ri të Zvicrës në politikën e saj evropiane.