Çitaku: PDK po e rikonfirmon pozicionin përfaqësues, kërkon ruajtjen e integritetit të procesit zgjedhor

Sekretarja e Përgjithshme e Partisë Demokratike të Kosovës Partia Demokratike e Kosovës, Vlora Çitaku Vlora Çitaku, ka deklaruar se PDK po e rikonfirmon pozicionin e saj përfaqësues në skenën politike, pavarësisht, siç tha ajo, një gare zgjedhore të pabarabartë.

Në një konferencë për media, Çitaku kritikoi qeverisjen aktuale, duke thënë se ajo ka prodhuar kriza të njëpasnjëshme dhe ka ndikuar në rritjen e pakënaqësisë qytetare. Sipas saj, mospjesëmarrja e rreth 200 mijë votuesve në procesin zgjedhor përbën “mesazh politik” që duhet të merret seriozisht.

Ajo akuzoi qeverinë për, siç u shpreh, keqqeverisje dhe për ndikim në procesin zgjedhor, duke përmendur pretendime për presione, shfrytëzim të resurseve shtetërore dhe premtime të shumta elektorale.

“Gara ishte e pabarabartë… PDK-ja po e rikonfirmon pozicionin e saj përfaqësues, me përqindje dhe numër të deputetëve”, tha Çitaku.

Ajo shtoi se PDK pret përfundimin e plotë të numërimit të votave përpara se të dalë me qëndrime përfundimtare, duke kërkuar që procesi të jetë transparent dhe çdo votë të trajtohet me kujdes.

Çitaku gjithashtu falënderoi institucionet dhe akterët që, sipas saj, kontribuan në mbarëvajtjen e procesit zgjedhor, përfshirë Komisionin Qendror të Zgjedhjeve Komisioni Qendror i Zgjedhjeve, komisionerët, vëzhguesit, mediat dhe Policinë e Kosovës Policia e Kosovës.

“Është thelbësore që çdo votë të numërohet me kujdes, të ruhet integriteti dhe të respektohet vullneti i qytetarëve”, përfundoi ajo.