Cyrihu me objektiva të reja për integrimin e të huajve

Njoftimi i Cyrihut vjen në një kohë kur edhe autoritetet federale kanë prezantuar objektiva dhe masa të reja në fushën e integrimit

Drin Reçica - Albinfo.ch

Qyteti i Cyrihut ka përcaktuar objektivat e politikës së integrimit për vitet e ardhshme, duke synuar forcimin e bashkëjetesës dhe pjesëmarrjes së popullsisë së huaj në jetën publike.

Sipas autoriteteve të qytetit, Cyrihu është një qytet i karakterizuar fuqishëm nga migracioni, ku pothuajse 45 për qind e popullsisë ka lindur jashtë Zvicrës, transmeton albinfo.ch.

Objektivat që do të zbatohen deri në vitin 2030 përfshijnë, ndër të tjera, luftimin e diskriminimit, lehtësimin e qasjes së shtetasve të huaj në shërbimet lokale dhe forcimin e pjesëmarrjes së migrantëve në jetën publike.

Masat do të zbatohen nga departamentet dhe zyrat e ndryshme komunale. Njoftimi i Cyrihut vjen në një kohë kur edhe autoritetet federale kanë prezantuar objektiva dhe masa të reja në fushën e integrimit.