Dëbim masiv nga Gjermania për Kosovë e Shqipëri

Gjermania gjatë këtij muaji dhe muajit të ardhshëm, ka caktuar 11 fluturime për riatdhesimin e azilkërkuesve kosovarë dhe shqiptarë

Republika e Gjermanisë e ka shprehur vendosmëri për t’i kthyer të gjithë azilkërkuesit e Kosovës, Shqipërisë dhe Serbisë deri në fund të këtij viti. Madje Berlini zyrtar ka caktuar edhe agjendën e fluturimeve për kthim, duke aranzhuar tashmë 11 fluturime me avionë charter gjatë këtij muaji dhe muajit shtator.

Ambasada Gjermane publikoi datat kur do të bëhet kthimi i tyre gjatë muajit gusht dhe shtator 2015. sipas këtij njoftimi, 11 fluturime janë pacaktuar për kthimin në atdhe të 770 azilkërkuesve shqiptarë, 700 kosovarë dhe 70 serbë, të cilëve u është refuzuar azili në Gjermani.

Më 20.08.2015 do të kthehen rreth 70 shqiptarë dhe 70 kosovarë; 26.08.2015 rreth 70 shqiptarë dhe 70 kosovarë; 02.09.2015 rreth 70 shqiptarë; 03.09.2015 rreth 70 shqiptarë dhe 70 kosovarë; 10.09.2015 rreth 70 shqiptarë dhe 70 kosovarë; 15.09.2015 rreth 70 shqiptarë dhe 70 maqedonas; 16.09.2015 rreth 70 shqiptarë dhe 70 serbë; 17.09.2015 rreth 70 shqiptarë dhe 70 kosovarë; 22.09.2015 rreth 70 shqiptarë dhe 70 kosovarë; 29.09.2015 rreth 70 shqiptarë dhe më 30.09.2015 rreth 70 shqiptarë dhe 70 kosovarë.