Delawie thotë se u zhgënjye nga Kuvendi i Kosovës

“Mirë se vini dy gjykatësit e rinj të Gjykatës Kushtetuese. I zhgënjyer nga Kuvendi i Kosovës, që nuk arriti t’i përfundojë punimet e tij…"

Ambasadori amerikan në Kosovë, Greg Delawie ka reaguar pas skenave aspak të hijshme që ndodhen një ditë më parë në Kuvendin e Kosovës, transmeton albinfo.ch.

Ai në rrjetin social Twitter ka shkruar se ndihet i zhgënjyer edhe që Kuvendi i Kosovës nuk ka arritur të përfundojë punën, sa i përket përzgjedhjes së gjyqtarëve vendor për Gjykatën Kushtetuese.

“Mirë se vini dy gjykatësit e rinj të Gjykatës Kushtetuese. I zhgënjyer nga Kuvendi i Kosovës, që nuk arriti t’i përfundojë punimet e tij… Ruajtja e sistemit të drejtësisë në Kosovë dhe rifillimi i procesit ASAP, është shumë e rëndësishme”, ka shkruar ai.