Dema: Vepra e Demaçit do të jetojë brez pas brezi

Universiteti i Prishtinës, "Hasan Prishtina" ka mbajtur akademi përkujtimore për nderë të Adem Demaçit.

Për nder të atdhetarit të shquar, Adem Demaçi, në Universitetin e Prishtinës “Hasan Prishtina” është mbajtur akademi përkujtimore.

Rektori i Universitetit të Prishtinës, Marjan Dema, ka thënë se lajmi për vdekjen e Demaçit ka prekur zemrat e shqiptarëve kudo. Ai ka thënë se vepra e Demaçit do të jetojë gjatë brez pas brezi dhe do të kujtohet në mesin e studentëve.

Dema ka shtuar se Demaçi i ka trajtuar të gjithë njëjtë, pavarësisht përkatësisë kombëtare apo fetare. Rektori i UP-së po ashtu shtoi se ndjehet krenar që ky Universitet ka arritur ta nderojë veprimtarin Demaçi gjatë kohës sa ai ishte gjallë.

Përfaqësuesi i familjes Demaçi, Shqiptar Demaçi, djali i Adem Demaçit, u ka freskuar kujtesën të pranishmëve, duke kujtuar pjesë nga protestat për këtë universitet. Atdhetari Adem Demaçi u nda nga jeta të enjten, në moshën 82-vjeçare.