Deputetët mblidhen për të 27-n herë për konstituim të Kuvendit

Sot prova e 27-të për konstituimin e Kuvendit

Deputetët e Kuvendit të Kosovës do të mblidhen sot për të 27-ën herë për të provuar konstituimin e këtij institucioni, përcjell albinfo.ch.

Kjo është hera e parë që seanca për konstituim do të mbahet pas 24 orësh, për shkak të festës së Kurban Bajramit.

Deputetët e opozitës janë duke e kundërshtuar propozimin e Lëvizjes Vetëvendosje që Albulena Haxhiu të votohet për kryetare të Kuvendit, por partia fituese, përkundër kundërshtimeve, nuk ka hequr dorë nga propozimi.

Vazhdimi i seancës së Kuvendit do të nisë nga ora 11:00.

Presidentja e Kosovës, Vjosa Osmani, të mërkurën ka mbledhur partitë politike për të diskutuar për datën e zgjedhjeve lokale. Deputetja e Lëvizjes Vetëvendosje, Albulena Haxhiu, në një prononcim për media, ka bërë të ditur se ka përmendur idenë e mbajtjes së zgjedhjeve nacionale në të njëjtën ditë me ato lokale. Sipas saj, me këtë ide është pajtuar Partia Demokratike e Kosovës.

 

.

---