Deputeti i Serbisë propozon që diasporës shqiptare t’i ndalohet ardhja në Kosovë përmes Serbisë

Në adresë të Qeverisë së Serbisë ka shkuar një propozim që shqiptarëve që jetojnë në diasporë t’u ndalohet shfrytëzimi i rrugëve të Serbisë gjatë ardhjes dë tyre për pushime në Kosovë.

Kjo kërkesë vjen nga anëtari i Komisionit Parlamentar të Serbisë për Kosovën, Slavisha Ristiq, përcjell albinfo.ch.

“Nëse (Albin Kurti tashmë disa herë i është referuar reciprocitetit kur ka marrë vendime të paarsyeshme, pse shteti i Serbisë të mos bëjë reciprocitet sipas të njëjtit sistem për lëvizjen e shqiptarëve në Serbi dhe hyrjen e tyre nga Serbia në territorin e Kosovës”, tha Ristiq, raporton “N1”.

“Tani, në prag të Vitit të Ri, kur një numër i madh i shqiptarëve po vijnë në Kosovë, pse Serbia nuk i ndalon ata? Unë nuk jam përkrahës i kufizimit të lirisë së lëvizjes, por qasjes ‘fashiste’ të Kurtit duhet t’i përgjigjemi në mënyrën e duhur”, tha tutje Ristiq.