Deri në katër orë pritjet e bashkatdhetarëve në Merdar

Pritje të gjata ka edhe në Jarinje dhe Mutivodë

Bashkatdhetarët që po largohen nga Kosova për në vendet ku jetojnë dhe punojnë, vazhdojnë të përballen me pritje të gjata në pikëkalimet kufitare të Kosovës me Serbinë, raporton Albinfo.ch.

Deri në rreth katër orë po zgjasin pritjet për të dalë nga Kosova në pikën kufitare me Serbinë në Merdar, ndërsa pritjet për të hyrë në Kosovë po zgjasin deri tri orë, ka njoftuar Qendra Kombëtare për Menaxhim Kufitar.

Sipas kësaj qendre, pritjet në dalje nga Kosova në pikëkalimin kufitar Dheu i Bardhë po zgjasin deri në një orë e gjysmë, në Jarinje rreth një orë dhe në Mutivodë gjysmë ore.

Pritje deri në gjysmë ore në këto pikëkalime ka edhe gjatë hyrjes nga Serbia për në Kosovë./Albinfo.ch

---