Deri në orën 17:00, mbi 27% pjesëmarrja në zgjedhjet lokale në Kosovë

Keystone (AP Photo/Visar Kryeziu)

Komisioni Qendror i Zgjedhjeve ka njoftuar se 27.55 për qind është pjesëmarrja në zgjedhje deri në orën 17:00 nga rreth 96 për qind e vendvotimeve të procesuara.

KQZ ka bërë të ditur se deri dy orë para mbylljes së vendvotimeve, 364,203 persona kanë votuar nga 1 milionë e 316 mijë e 672 votues të regjistruar, transmeton albinfo.ch.

Gjatë tërë ditës është evidentuar pjesëmarrje e ulët në zgjedhje, sidomos krahasuar me rundin e parë të zgjedhjeve, i cili ishte mbajtur më 12 tetor.

Bëhet e ditur se deri në orën 17:00, më 12 tetor patën votuar 33 për qind e qytetarëve me të drejtë vote.