Derisa Berisha e shkarkoi, Lulzim Basha organizoi festë në PD

Derisa Kuvendi i thirrur nga Sali Berisha e shkarkoi nga të gjitha funksionet, kryetari i PD-së, Lulzim Basha, shkoi sot në selinë e Partisë Demokratike, ku kremtoi 31-vjetorin e themelimit të saj.

Në një njoftim për shtyp PD thekon se sot kremtuan 31-vjetorin e themelimit të Partisë Demokratike të Shqipërisë, duke përjetësuar dokumentin themeltar të firmëtarëve, që sollën në jetë forcën tonë politike, nisën një epokë të re për demokracinë dhe ribashkuan Shqipërinë me Perëndimin.

“Demokratet dhe demokratët mbeten të angazhuar ndaj vlerave më të mira mbi të cilat u themelua Partia Demokratike, si forca e lirisë, atdhetarisë dhe e vokacionit perëndimor, përgjithmonë mbartëse e aspiratave të shqiptarëve për një ndryshim të thellë në jetën e vendit! Gëzuar të gjithë demokratëve kudo ku janë, gëzuar ditën e lindjes së Partisë Demokratike”, thuhet në njoftimin e PD-së.