Deshi t`i fusë në Zvicër 261 merimanga të mëdha!

Pas kontrollimit të bërë në shtëpinë e zviceranit, hetuesit kishin gjetur edhe 665 merimanga tjera

 Një zviceran kishte provuar të kontrabandonte në Zvicër, përmes Aeroportit të Cyrihut një bagazh me plot 261 merimanga të mëdha, të tipit Tarantula. Kjo ka ndodhur në muajin gusht, ndërsa është bërë e ditur të mërkurën nga autoritetet e doganës së Zvicrës.

Personi në fjalë po udhëtonte nga Republika Dominikane. Lloji i merimangave që kishte futur ai në Zvicër ishte i parrezikshëm për njerëzit, por, nga ana tjetër vetë merimangat e atij lloji janë të mbrojtura me ligj.

Pas kontrollimit të bërë në shtëpinë e zviceranit, hetuesit kishin gjetur edhe 665 merimanga tjera të mëdha.

Që të gjitha ato janë marrë dhe strehuar fillimisht në Kopshtin Zoologjik të Cyrihut, prej nga pastaj janë vendosur në një vend tjetër.