DEZA vazhdon mbështetjen financiare pavarësisht kuzave

"Duke marrë parasysh shkallën e nevojave humanitare, projekti vazhdoi të mbështetej në dobi të popullsisë që po vuan"

Agjencia Zvicerane për Zhvillim dhe Bashkëpunim (DEZA/SDC) vazhdoi t’u paguante miliona dollarë Mjekëve pa Kufij në Çad pavarësisht akuzave për abuzim, trnsmeton albinfo.ch.

Organizata nisi një hetim të brendshëm në fund të vitit 2024 për akuzat për shfrytëzim seksual në kampin e refugjatëve Adré dhe identifikoi 59 raste të sjelljes së keqe, sipas “NZZ am Sonntag” . Tetëmbëdhjetë punonjës u pushuan nga puna.

DEZA mësoi për akuzat që në nëntor 2024 dhe megjithatë vazhdoi të financonte projektin. Gati shtatë milionë franga zvicerane u derdhën në projektin e ndihmës në vitet 2024 dhe 2025.

“Duke marrë parasysh masat e shpallura në atë kohë nga Mjekët pa Kufij Zvicër dhe shkallën e nevojave humanitare, projekti vazhdoi të mbështetej në dobi të popullsisë që po vuan”, shkroi Departamenti Federal i Punëve të Jashtme (FDFA) në përgjigje të një kërkese nga “NZZ am Sonntag”.

DEZA tani po shqyrton masa shtesë dhe është në kontakt të ngushtë me organizatën.

---