Dhjetëra mijë veta vizituan “Javën Botanica 2012”

Dhjetëra mijëra njerëz morën pjesë në javën e gjashtë të kopshteve botanike, Botanica. Për nëntë ditë me radhë, 23 kopshte botanike në Zvicër hapin dyert e tyre dhe ofrojnë më shumë se 100 aktivitete, kryesisht falas, nën temën “Back to Nature”.

Kjo temë u zgjodh për nder të treqindvjetorit të lindjes së filozofit dhe shkrimtarit Jean-Jacques Rousseau i cili kishte një “pasion për botanikën” kanë sqaruar të shtunën organizatorët në deklaraten e tyre.

Për organizatorët, kjo ngjarje duhet tu mundësojë vizitorëve njohjen e punës të kopshtarëve, botanistëve dhe arkitektëve të peisazhit. Ata gjithashtu tregojnë se synojnë të rrisin ndërgjegjësimin e publikut për mbrojtjen e mjedisit dhe të prezantojnë veprimet e tyre konkrete dejt ruajtjes së llojeve të rrezikuara të florës zvicerane.

Zvicra është një ndër vendet me numrin më të madh të kopshteve botanike. Dymbëdhjetë janë të vendosura në pjesën frankofone të Zvicrës, dhjetë në pjesën gjemanofolëse dhe një në Ticino (Brissago).