Diaspora në kërkim të vullnetarit të vitit: Hapet nominimi për çmimin special

Çmimi i veçantë u dedikohet individëve nga diaspora që kanë kontribuar për Kosovën përmes vullnetarizmit dhe iniciativave me ndikim pozitiv

Diaspora shqiptare ftohet të nominojë individë që kanë dhënë kontribut për Kosovën përmes vullnetarizmit, ekspertizës, mbështetjes financiare apo iniciativave të tjera me ndikim pozitiv, transmeton alninfo.ch.

Organizata TOKA, së bashku me partnerët e saj, po organizon për të tretën herë Çmimet e Vullnetarizmit të Vitit, ndërsa në kuadër të edicionit të vitit 2026 është paraparë edhe çmimi “Përfaqësuesi/ja i/e Diasporës më Përkrahës/e i/e Vitit”.

Ky çmim u dedikohet individëve nga diaspora që janë angazhuar për Kosovën dhe komunitetet e saj përmes punës vullnetare apo iniciativave të tjera që kanë sjellë ndikim pozitiv.

Organizatorët u bëjnë thirrje qytetarëve, organizatave dhe komuniteteve shqiptare në diasporë që të nominojnë një person që e vlerësojnë për kontributin e tij ose të saj, ndërsa mundësohet edhe vetënominimi.

Për këtë çmim do të merret parasysh vetëm kontributi i dhënë gjatë periudhës maj 2025 – korrik 2026.

Afati i fundit për nominime dhe vetënominime është 25 tetor 2026.

Çmimet e Vullnetarizmit të Vitit përkrahen nga Zyra e Bashkimit Evropian në Kosovë, programi “EJA Kosovë” i Fondacionit Kosovar për Shoqëri Civile (KCSF), i bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

Për nominime në gjuhën shqipe mund të përdoret formulari përkatës, ndërsa është në dispozicion edhe formulari në gjuhën angleze./Albinfo.ch

Nomino përmes linkut:

https://toka-ks.org/nominimet-per-cmimet-e-vullnetarizmit-te-vitit-2026-jane-te-hapura/ 

Për informata shtesë, organizatorët kanë bërë të ditur se mund të kontaktohen përmes adresës elektronike cmimetevullnetarizmit@toka-ks.org ose në numrin +383 49 569 800.

Për të parë thrrjen zyrtare vizitoni:

https://toka-ks.org/nominimet-per-cmimet-e-vullnetarizmit-te-vitit-2026-jane-te-hapura/

---