Dita e Punës, ashpërson gjuhën politike

Levrat: "Një elitë e vogël ekonomike në pallatet e saj të qelqta është përfituesja e vetme nga qarkullimi i lirë të personave"

Dita e punës, 1 maji, u ka shërbyer politikanëve të ndryshëm zviceranë të drejtojnë kritika ndaj asaj që ata e quajnë ndarje të padrejtë të pasurisë shoqërore.

“Është e papranueshme që një elitë e vogël ekonomike në pallatet e saj të qelqta të jetë përfituesja e vetme nga qarkullimi i lirë të personave”, ka thënë kryetari i Partisë Socialdemokrate Christian Levrat në një fjalë të mbajtur në prag të ditës së punës, në Brugg (AG).

Nga ana tjetër, kryetari i federatës së sindikatave të Zvicrës Paul Rechtsteiner në St. Gallen është shprehur kritik ndaj gjendjes ku, sipas tij, „2.2 për qind super të pasur zviceranë zotërojnë pasuri të barabartë me gjithë pjesën tjetër të popullit”. Në këtë kuptim ai ka thënë se një politikë më drejtë tatimore është më se e nevojshme.