Drejtuesja e CDU-së heq dorë nga kandidatura për kancelare

Annegret Kramp-Karrenbauer heq dorë nga kandidatura për kancelare, si edhe nga posti i kryetares së CDU-së në Gjermani

Është bërë e ditur se drejtuesja e CDU-së, Annegret Kramp-Karrenbauer, heq dorë nga kandidatura për kancelare, ajo do të dorëzojë edhe postin e kryetares së CDU-së.

Pas ngjarjeve në landin e Tyringjisë, ku një kryeministër liberal u zgjodh me votat e partisë populiste të djathtë, AfD, Kramp-Karrenbauer ndeshi në kritika të forta që vunë në dyshim autoritetin e saj. Njoftimin e bëri presidiumi i CDU-së në Berlin, shkruan Deutsche Welle.

Tani ajo vendosi të heqë dorë si nga kandidatura për kancelare, ashtu edhe nga pozicioni i kryetares së CDU-së, bëri të ditur presidenti i CDU-së në Berlin, sipas një zëdhënësi konservator.

Po ashtu, Kramp-Karrenbauer tha në presidium, citon dpa, se ka “një marrëdhënie të pasqaruar të pjesëve të CDU-së me AfD dhe Të Majtët”.

Ajo është kundër një bashkëpunimi me AfD dhe Të Majtën. Në të njëjtën kohë është e qartë që kryesimi i partisë dhe kandidatura për kancelare janë në një dorë. Sipas AKK, në verë ajo do të organizojë procesin e kandidaturës për kancelar, do ta përgatisë partinë për të ardhmen dhe do të dorëzojë postin e kryetares, thuhet në njoftimin e presidiumit të CDU-së. Njoftohet se Merkel do ta mbajë Kramp-Karrenbauer si ministre të Mbrojtjes, përcjell albinfo.ch.

---