Dy fëmijë bien në pus në fshatin Milloshevë të Prishtinës, njëri humb jetën

Një ngjarje e rëndë ka ndodhur pasditen e sotme në fshatin Milloshevë të Prishtinës, dy fëmijë kanë rënë në një pus, ku si pasojë njëri fëmijë ka humbur jetën.

Lajmin e ka konfirmuar për mediat kosovare zëdhënësi i Policisë së Kosovës për rajonin e Prishtinës, Daut Hoxha.

“Më 16.06.2020, rreth orës 15:00, Policia ka pranuar informatën se në fshatin Milloshevë dyshohet se dy fëmijë kanë rënë në një pus. Policia me njësitet e saj ka dalë në vendin e ngjarjes, si dhe ka njoftuar ekipet e emergjencës. Ekipi mjekësor ka konstatuar vdekjen e një fëmijë rreth 10/12 vjeçar i nxjerrë nga pusi. Po ashtu janë njoftuar ekipet e kërkim-shpëtimit për nxjerrjen edhe të një fëmijë tjetër, i cili dyshohet të ketë rënë në pus uji”, tha ai.